छत्रपती शिवाजी महाराज आमचे.....

 

छत्रपती शिवाजी महाराज आमचे आहेत आणि रामदास स्वामी तुमचे आहेत

महात्मा फुले आमचे आहेत आणि बाळूमामा तुमचे आहेत

अहिल्याबाई आमच्या आहेत आणि सावतामाळी तुमचे आहेत

बहिणाबाई आमच्या आहेत आणि  मुक्ताई तुमची आहे

तुकाराम महाराज आमचे आहेत आणि ज्ञानदेव तुमचे आहेत

 

आंबेडकर तुमचे आहेत आणि महावीर आमचे आहेत

माझा झेंडा ह्या रंगाचा आहे आणि तुझा झेंडा त्या रंगाचा आहे.

आपण सगळे महापुरुष आधीच वाटून घेतले आहेत. 

ह्या महापुरुषाने आमच्या जातीत जन्म घेतला म्हणून हा महापुरुष फक्त आमचा आहे, त्याच्यावर आधी आमचा हक्क आहे, तो सगळ्यांचा नाहीये, तो फक्त आमचा आहे . 

कारण ह्या आमच्या महापुरुषाने आम्हाला शिकवल आहे की आयुष्य जगत असताना प्रत्येक गोष्टीकडे जातीच्या चष्म्यातूनच बघावं, तेव्हाच आपलं कल्याण होईल, समाजाच कल्याण होईल आणि आपला देश असाच पुढे पुढे जात राहील....

- सुदर्शन जायभाय